საქართველო, 19 ნოემბერი, საქინფორმი. აფხაზეთის პარლამენტის დეპუტატ ნოდიკ კვიწინიას რუსეთის ორი მოქალაქის მკვლელობის თანამონაწილეობაში ბრალი წაუყენეს. ამის შესახებ სააგენტო „აფსნიპრესი“ იუწყება.

ბრალი წაყენებულია ორი მუხლით: ორგანიზებული ჯგუფის შემადგენლობაში ორი პირის გატაცება, ორი პირის განზრახ მკვლელობა და, ასევე, ცეცხლსასროლი იარაღის უკანონო შეძენა, შენახვა და ტარება.

შეგახსენებთ, რომ აფხაზეთში ამას წინათ რუსი ბიზნესმენის, კომპანია „ელ პეტროლეუმი- აფხაზეთის“ გენდირექტორ სერგეი კლემანტოვიჩისა და მისი ნაცნობი ოლგა სკარედნოვას  გვამები მიტოვებულ ჭაში აღმოაჩინეს.