საქართველო, 14 ნოემბერი, საქინფორმი. სწორედ ამ დღესაა დაგეგმილი უკრაინის უმაღლესი რადას მორიგი სესია. ყველა ევროინტეგრაციული კანონის მიღების  უკიდურეს ვადად ევროკავშირის დამკვირვებლებმა 19 ნოემბერი დაასახელეს. ევროპარლამენტის ექს-თავმჯდომარე პეტ კოკსმა და პოლონეთის ყოფილმა პრეზიდენტმა ალექსანდრ კვასნევსკიმ აღნიშნეს, რომ უკრაინისთვის ასოციაციის შეთანხმებაზე ხელმოწერის შანსი ჯერ კიდევ არ არის დაკარგული, თუმცა დეპუტატებს მოუწოდეს, ხელიდან არ გაუშვან იგი მომდევნო სამშაბათს.

დღეს უკრაინის უმაღლესმა რადამ ჩააგდო კანონი უცხოეთში პატიმრების სამკურნალოდ გამგზავრების შესახებ. ამგვარად, საკითხის გადაჭრა, რომელზეც ექს-პრემიერ იულია ტიმოშენკოს შემდგომი ბედია დამოკიდებული, და ასევე, სავარაუდოდ, ქვეყნის ევროპული ინტეგრაცია, გადაიდო.