უცხოეთი
პოლონეთის პრეზიდენტმა ბრონისლავ კომოროვსკიმ ვარშავაში რფ-ის საელჩოს წინ მოწყობილი არეულობისათვის რუსეთს ბოდიში მოუხადა
საქართველო, 13 ნოემბერი, საქინფორმი. პოლონეთის პრეზიდენტმა რუსეთს ბოდიში მოუხადა ორშაბათს რუსეთის დიპკორპუსის შენობასთან მოწყობილი არეულობის გამო, რომელსაც ხულიგნებმა ფაიერები, პეტარდები და ბოთლები დაუშინეს. ამის შესახებ ბრონისლავ კომოროვსკიმ დღეს ადგილობრივი რადიოს ეთერში განაცხადა.
„პოლონეთის სახელწიფოს სახელით ბოდიშს ვიხდი“, - განაცხადა მან და ნაციონალისტების ქმედებებს რფ-ის საელჩოსთან უწოდა „აბსოლუტური სკანდალი, რომელსაც გამართლება არა აქვს“.
მისივე თქმით, „დამოუკიდებლობის მარშის“ წყალობით საერთაშორისო არენაზე პოლონეთის სახე ძალიან დაზარალდა. პოლონეთის საგარეო საქმეთა სამინისტრომ, თავის მხრივ, ოფიციალური ნოტა მოამზადა. უწყების პრესმდივან მარჩინ ვოიცეხოვსკის განცხადებით, ნოტას უახლოეს საათებში რუსეთის მხარეს გადასცემენ.
„ამ დოკუმენტში ღრმა წუხილი გამოვთქვით მომხდართან დაკავშირებით. ვიმედოვნებთ, რომ ეს სიტუაციის დარეგულირების საშუალებას მოგვცემს“, - განაცხადა მან.
