სამართალი
შსს-მ ნარკორეალიზატორი და მომხმარებელი დააკავა
საქართველო, 6 ნოემბერი, საქინფორმი. შსს-ს ცენტრალური კრიმინალური პოლიციის დეპარტამენტის შიდა ქართლის სამხარეო სამმართველოს და ამავე დეპარტამენტის 1-ლი მთავარი სამმართველოს თანამშრომლებმა 1974 წ. დაბადებული, წარსულში ნარკოდანაშაულისათვის ნასამართლევი ლევან კ. – დიდი ოდენობით ნარკოტიკული საშუალების შეძენა-შენახვისთვის, ხოლო 1956 წელს დაბადებული, წარსულში ასევე ნარკოდანაშაულისთვის ნასამართლევი თემურ წ. დიდი ოდენობით ნარკოტიკული საშუალების რეალიზაციის ბრალდებით დააკავეს.
სამართალდამცველებმა ლევან კ. გორის რაიონის სოფელ ბერბუკთან მდებარეავტოგასამართი სადგურის მიმდებარე ტერიტორიაზე დააკავეს. მისი პირადი ჩხრეკისას 10 აბი სუბუტექსი ამოიღეს, რომელიც, ექსპერტიზის დასკვნით, 0,07913 გრ ნარკოტიკულ ნივთიერება ბუპრენორფინს შეიცავს.
თემურ წ-ს პირადი ჩხრეკისას ამოიღეს 5 აბი სუბუტექსი, ხოლო მისი საცხოვრებელი სახლის ჩხრეკისას – სარეალიზაციოდ გამზადებული, პოლიეთილენის პაკეტებში დაფასოებული 76 აბი და 45 ნატეხი სუბუტექსი ამოიღეს, რომელიც ექსპერტიზის დასკვნით 0,6495 გრ ნარკოტიკულ ნივთიერება ბუპრენორფინს შეიცავს.
გამოძიება ლევან კ-ს მიმართ დიდი ოდენობით ნარკოტიკული საშუალების შეძენა-შენახვის ფაქტზე მიმდინარეობს (სსსკ-ის 260-ე მუხლის მე-2 ნაწილის „ა“ქვეპუნქტით), ხოლო თეიმურაზ წ-ს მიმართ – განსაკუთრებით დიდი ოდენობითნარკოტიკული საშუალების შეძენა-შენახვა-გასაღების ფაქტზე (სსსკ–ის 260-ე მუხლის მე-3 ნაწილის „ა“ ქვეპუნქტით).
