უცხოეთი
ბაქოში რუსეთის საელჩოსთან საპროტესტო აქციის გამართვის მცდელობა აღკვეთეს

1-posolstvo-ruსაქართველო, 18 ოქტომბერი, საქინფორმი. ბაქოში რუსეთის საელჩოსთან ეგორ შჩერბაკოვის მკვლელობაში ეჭვმიტანილი აზერბაიჯანის მოქალაქე ორჰან ზეინალოვის დაკავებასთან დაკავშირებული საპროტესტო აქციის გამართვის მცდელობა აზერბაიჯანის პოლიციის ძალებით აღკვეთეს.

დიასპორის საერთაშორისო ცენტრის წევრები აზერბაიჯანში რუსეთის საელჩოს შენობასთან შეიკრიბნენ ზეინალოვის დაკავებისას მის მიმართ თითქოსდა უხეში მოპყრობის გასაპროტესტებლად. სააგენტო „ნოვოსტი აზერბაიჯანის“ ცნობით, აზერბაიჯანის შსს-ს თანამშრომლებმა აქციის მონაწილეები დაშალეს და პიკეტის გაგრძელების საშუალება არ მისცეს.

ეგორ შჩერბაკოვის სავარაუდო მკვლელის ვინაობა დანაშაულის ჩადენიდან 5 დღეში დადგინდა. როგორც გაირკვა, ზეინალოვი რუსეთში უკვე 10 წელია ცხოვრობს და მუდმივი შემოსავალი არ აქვს.