საქართველო, 14 ოქტომბერი, საქინფორმი. 11 ოქტომბერს საქართველოს საპატრიარქოში წმ. სინოდის სხდომა გაიმართა, რომელსაც სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია მეორე უძღვებოდა. სხდომის მდივანი სამთავისისა და გორის მიტროპლიტი ანდრია გვაზავა გახლდათ.

როგორც მღვდელმთავრებმა სინოდის სხდომის დასრულების შემდეგ აღნიშნეს, საქართველოს მოქმედი ეპარქიების რიცხვი ექვსით გაიზარდა. 7 სასულიერო პირი კი მღვდელმთავრის ხარისხში აიყვანეს.

წმინდა სინოდის სხდომაზევე თიანეთისა და ფშავ-ხევსურეთის მიტროპოლიტი თადეოზი და მარგვეთისა და უბისის მიტროპოლიტი ვახტანგი პენსიაზე გავიდნენ.