პუბლიკაციები
მიშას ზღაპრები
საქართველო, 14 ოქტომბერი, საქინფორმი. ერთი კვირის წინ ამერიკულმა კომპანიამ „Greenberg, Quinlan, Rosner Research“ საზოგადოებრივი აზრის კვლევის შედეგები გამოაქვეყნა, რომელიც საქართველოში პრეზიდენტ სააკაშვილის ადმინისტრაციის დაკვეთით ჩატარდა და რომლის მიხედვით გამოკითხულთა 79%–მა უპასუხა, რომ საქართველოს ნატოში გაწევრებას მხარს უჭერს (სრულიად უჭერს მხარს – 55%, მეტ–ნაკლებად – 24%).
მაგრამ თუ გავითვალისწინებთ, რომ საქართველოში ოფიციალურად 3 მილიონ 500 ათასი ამომრჩეველია რეგისტრირებული, ხოლო გამოიკითხა მხოლოდ 1204 ადამიანი, გამოდის, რომ ამას ხმა საქართველოს მოქალაქეთა მხოლოდ 0,0344 პროცენტმა მისცა! და რომ გამოკითხვა მხოლოდ თბილისში, ჯორჯ ბუშის პროსპექტზე მდებარე „ნაცმოძრაობის“ ცენტრალურ ოფისში და სააკაშვილის ავლაბრის რეზიდენციაში ჩატარდა. 
