უცხოეთი
რუსეთში ამოქმედდა კანონი სენსაციის შესახებ
საქართველო, 1 ოქტომბერი, საქინფორმი. პირადი ცხოვრების დაცვის შესახებ კანონი დღეიდან ამოქმედდა. აიკრძალა მოქალაქის პირადი ცხოვრების ამსახველი ნებისმიერი ინფორმაციის შეგროვება და შენახვა. კერძოდ, აკრძალულია მონაცემების გამოქვეყნება რასობრივ, ნაციონალურ კუთვნილებაზე, პოლიტიკურ შეხედულებებზე, რელიგიურ ანდა ფილოსოფიურ რწმენაზე, ჯანმრთელობის მდგომარეობასა და ინტიმურ ცხოვრებაზე.
კანონის დამრღვევები ადმინისტრაციულ და სისხლის სამართლის პასუხისმგებლობას დაექვემდებარებიან.
რუსეთის სახელმწიფო სათათბიროს სამოქალაქო, სისხლის სამართლის, საარბიტრაჟო და საპროცესო კანონმდებლობის კომიტეტის თავმჯდომარე პაველ კრაშენინნიკოვი განმარტავს, რომ ახლა უკვე აკრძალულია ისეთი ცნობების გამოქვეყნება, რომლებიც ადამიანის სახელმწიფო საქმიანობას არ ეხება.
დუმაში ამბობენ, რომ აღნიშნული კანონი, უპირველესად, შოუბიზნესის ვარსკვლავებს იცავს ყვითელი პრესისგან, რომელიც სენსაციის გამო არაფერს ერიდება.
