სამართალი
შსს-მ ე.წ. ქურდული სამყაროს წევრობის ბრალდებით შვიდი პირი დააკავა
საქართველო, 30 სექტემბერი, საქინფორმი. შინაგან საქმეთა სამინისტროს თანამშრომლებმა ე.წ. ქურდული სამყაროს წევრობის ბრალდებით დააკავეს წარსულში სხვადასხვა დანაშაულისთვის ნასამართლევი პირები: 1990 წელს დაბადებული ლაშა ზ, 1983 წელს დაბადებული ირაკლი კ, 1985 წელს დაბადებული მირიან ჩ. და 1979 წელს დაბადებული ჯაბა ხ. ასევე დაკავებული არიან: 1990 წელს დაბადებული ნიკოლოზ გ, 1985 წელს დაბადებული ამირან დ. და 1990 წელს დაბადებული ზვიად ე.
გამოძიებამ დაადგინა, რომ ბრალდებულები აღიარებენ ე.წ. ქურდულ სამყაროს და მისი აქტიური წევრები არიან. საგამოძიებო მოქმედებების დროს ასევე დადგინდა, რომ დაკავებულები ე.წ. „ქურდული გარჩევის“ გზით მოქალაქეებს სისტემატურად სძალავდნენ სხვადასხვა ოდენობის თანხებს.
გამოძიება ქურდული სამყაროს წევრობის ფაქტზე მიმდინარეობს (სსსკ-ის 223-ე პრიმა მუხლის 1-ლი ნაწილით, რაც 5-დან 8 წლამდე პატიმრობას ითვალისწინებს).
 |
