საქართველო, 27 სექტემბერი, საქინფორმი. შსს-მ 25 სექტემბერს, თბილისის აეროპორტში, სასაზღვრო გამშვებ პუნქტში,სახელმწიფო საზღვრის კვეთისას, ვისბადენის ინტერპოლის მიერ 2013 წლის 28 მაისიდან ძებნილი თურქეთის მოქალაქე, 1963 წელს დაბადებული აზიზ ტერზიოღლუ დააკავა.

2009 წლიდან აზიზ ტერზიოღლუს კომპანია “ARSTEEL”-ის მმართველი დირექტორის თანამდებობა ეკავა და ბანკ „COMMERZBANK”–ის მეშვეობით თანხები მიითვისა და თურქეთში მდებარე კომპანია „OeZEL COMPANY”–ში გადარიცხა.

შესაბამისად, აღნიშნულმა პიროვნებამ სადაზღვევო კომპანია „EULER-HERMS”–ს ზემოაღნიშნული ბანკისათვის კომპენსაციის სახით 4 465 787 ევრო გააცემინა.