საზოგადოება
შსს–მ აეროპორტთან დაკავშირებით ცრუ შეტყობინების ავტორი დაადგინა
საქართველო, 13 სექტემბერი, საქინფორმი. ისანი-სამგორის სამმართველოს თანამშრომლებმა 12 სექტემბერს თბილისის საერთაშორისო აეროპორტში ნაღმის არსებობის შესახებ განხორციელებული ზარის ავტორი რამდენიმე საათში დაადგინეს.
სამართალდამცველებმა ოპერატიულ-სამძებრო და საგამოძიებო მოქმედებების შედეგად გაარკვიეს, რომ ზარი სამტრედიაში მცხოვრებმა 2001 წელს დაბადებულმა გიორგი შ–მ განახორციელა.
მოზარდი სამტრედიის რაიონულ სამმართველოში მშობლებთან ერთად დაიკითხა, რის შემდეგაც მან სიტყვიერი გაფრთხილება მიიღო.
