საქართველო, 13 სექტემბერი, საქინფორმი. 11 სექტემბერს, ოთხშაბათს, საქინფორმმა გამოაქვეყნა სტატია „სააგენტო REX-ის ექსპერტი ავიგდორ ესკინი აფხაზეთში რუსეთის კონსულის მდივნის მკვლელობის შესახებ“, რომელშიც ცნობილი ებრაელი პოლიტოლოგი გამოთქვამს მოსაზრებას, რომ „1993 წელს საქართველოს წინააღმდეგ ომში... რუსეთმა მაშინ უდიდესი სტრატეგიული და ცივილიზაციური შეცდომა დაუშვა“.

„თუ ამას ელცინის მიერ აფხაზეთში სეპარატიზმის მხარდაჭერის საერთაშორისო შედეგებსა და მოსკოვის საპატრიარქოსადმი აფხაზეთის ეკლესიის დემონსტრაციულ დაუმორჩილებლობასაც დავუმატებთ, მაშინ კითხვა, თუ რისთვის ვიბრძოდით, ირონიულ შეფერილობას დაკარგავს. ხოლო თუ ამას დავუმატებთ ეკონომიკურ ასპექტსაც, რომელიც აფხაზეთის შენახვას ეხება, და ევროპაში ნახშირწყალბადის მიწოდებასთან დაკავშირებით საქართველოსთან ერთობლივ მნიშვნელოვან პროექტებზე იძულებით უარის თქმას, პასუხი ერთმნიშვნელოვნად ნათელი იქნება“, – წერს ესკინი.

ა. ესკინის სტატია გამოქვეყნდა აგრეთვე სოციალურ ქსელ MAXPARK–ში, რომლის მომხმარებლები ძირითადად არიან რუსები, რომლებიც პროსამთავრობო, პატრიოტული შეხედულებებით გამოირჩევიან. მიუხედავად ამისა, სოციალურ ქსელში ესკინის სტატიის ქვეშ მოთავსებული კითხვარის შედეგები საკმაოდ მოულოდნელია.

„არა, რუსეთი არ შეცდა, როდესაც 1993 წელს მხარი აფხაზებს დაუჭირა“ – ეს პოზიცია დააფიქსირა 39%–მა – 96–მა ხმის მიმცემმა, ხოლო უმრავლესობა – 48% – 117 ადამიანი მიიჩნევს, რომ „დიახ, რუსეთი შეცდა, როდესაც 1993 წელს მხარი აფხაზებს დაუჭირა“.