საზოგადოება
სექტემბერში საქართველოს "როსპოტრებნადზორის" ექსპერტები ეწვევიან
საქართველო, 10 სექტემბერი, საქინფორმი. სექტემბრის მეორე ნახევარში საქართველოს "როსპოტრებნადზორის" ექსპერტები მესამედ ეწვევიან. უწყების ოფიციალურ ვებგვერდზე განთავსებული ინფორმაციის თანახმად, რუსი სპეციალისტები რუსულ ბაზარზე საკუთარი პროდუქციის შეტანის მსურველ კომპანიებს შეამოწმებენ.
"ამ ეტაპზე მთავრდება იმ 39 დაწესებულების დოკუმენტური შემოწმება, რომლებმაც რუსეთის ფედერაციაში პროდუქციის შეტანის სურვილი გამოთქვეს. "როსპოტრებნადზორის" ექსპერტების მესამე ვიზიტი საქართველოში სექტემბრის მეორე ნახევრისთვის იგეგმება, მას შემდეგ, რაც ქართული მხარისგან უსაფრთხოების გარანტიები და დაწესებულებებში ექსპერტების დაშვების ნებართვა იქნება", - ნათქვამია განცხადებაში.
"როსპოტრებნადზორის" ცნობით, ამ დროისთვის რუსეთის ბაზარზე დაშვებულია ალკოჰოლური სასმელის მწარმოებელი 65 და მინერალური წყლის დამამზადებელი ოთხი კომპანია.
