საქართველო, 29 აგვისტო, საქინფორმი. ტერორისტები ევროპაზე ქიმიური იარაღით იერიშის განხორციელებას აპირებენ. ამის შესახებ 28 აგვისტოს სირიის საგარეო საქმეთა სამინისტროს ოფიციალურმა წარმომადგენელმა ფეისალ მაკდადმა განაცხადა.

მისი თქმით, ბოევიკების ჯგუფს მხარდაჭერას აღმოუჩენს აშშ, დიდი ბრიტანეთი, საფრანგეთი. დიპლომატის თქმით, სწორედ ეს ქვეყნები დგას ზარინის გამოყენებით ქიმიური იერიშის უკან.

სირიის მთავრობამ უკვე გადასცა გაეროს ექსპერტებს დოკუმენტები და მასალები, რომლებიც აღნიშნულ ინფორმაციას ადასტურებს.

გაეროს გენერალური მდივნის ბენ კი მუნის თქმით, ექსპერტებს კიდევ ოთხი დღე დასჭირდებათ, რათა დამასკოს გარეუბნებში განვითარებული მოვლენების თაობაზე საფუძვლიან დასკვნებამდე მივიდნენ.

როგორც უკვე ცნობილია, 21 აგვისტოს დამასკოს აღმოსავლეთ გარეუბნებში ქიმიური იერიშის შესახებ გავრცელებული ცნობის შემდეგ აშშ-ის სამხედრო-საჰაერო ძალებმა სირიის რაიონში ძალების მოზიდვა დაიწყეს.