სამართალი
საპატრულო პოლიციამ უკანონო ცეცხლსასროლი იარაღი ამოიღო
საქართველო, 27 აგვისტო, საქინფორმი. შინაგან საქმეთა სამინისტროს საპატრულო პოლიციის დეპარტამენტის თბილისის საქალაქო სამმართველოს თანამშრომლებმა ცეცხლსასროლი იარაღის უკანონო ტარების ბრალდებით 1993 წელს დაბადებული ლაშა გ. დააკავეს.
სამართალდამცველებმა ბრალდებული თბილისში კეკელიძის ქუჩაზე მდებარე სკვერში დააკავეს. მას პირადი ჩხრეკისას „ჩე-ზე 75“ მოდელის არარეგისტრირებული ცეცხლსასროლი იარაღი, ერთი მჭიდი და 13 საბრძოლო ვაზნა აღმოაჩნდა.
ბრალდებული აღიარებს ჩადენილ დანაშაულს. გამოძიება ცეცხლსასროლი იარაღის მართლსაწინააღმდეგო ტარების ფაქტზე მიმდინარეობს (სსსკ-ის 236-ე მუხლის მე-2 ნაწილით, რაც 3-დან 5 წლამდე თავისუფლების აღკვეთას ითვალისწინებს).
 |
