სამართალი
ცესკომ ვადამდელი საპარლამენტო არჩევნების ჩატარების სარეფერენდუმო საკითხი რეგისტრაციაში არ გაატარა
საქართველო, 22 აგვისტო, საქინფორმი. ცესკო-ს ვებგვერდზე გამოქვეყნებული ინფორმაციის თანახმად, 21 აგვისტოს გამართულ სხდომაზე ცენტრალურმა საარჩევნო კომისიამ საქართველოს პრეზიდენტის 2013 წლის 27 ოქტომბრის მორიგი არჩევნებისათვის საუბნო და საოლქო საარჩევნო კომისიის წევრთა სახელმძღვანელო ინსტრუქციები დაამტკიცა.
კომისიის გადაწყვეტილებით, საინიციატივო ჯგუფის შემადგენლობას (ნანა კაკაბაძე, ტატიანა ხოხიაშვილი, ავთანდილ რეხვიაშვილი, გელა ნიკოლაიშვილი და გია ტაბლიაშვილი) და მათ მიერ შემოთავაზებულ სარეფერენდუმო საკითხს: „გსურთ თუ არა, რომ საქართველოში 2014 წელს ჩატარდეს ვადამდელი საპარლამენტო არჩევნები?” დიახ, არა” - უარი ეთქვა რეგისტრაციაზე.
სხდომაზე საქართველოს პრეზიდენტის 2013 წლის ოქტომბრის არჩევნებისათვის საერთაშორისო დამკვირვებელ ორგანიზაციად საქართველოში შვეიცარიის საელჩო დარეგისტრირდა.
