უცხოეთი
„ვიკილიქსმა“ ქსელში 400 გიგაბაიტი მხილებები გაავრცელა
საქართველო, 20 აგვისტო, საქინფორმი. პორტალმა WikiLeaks-მა მამხილებელი დოკუმენტების ახალი ულუფა გამოაქვეყნა. 400 გიგაბაიტი უახლესი ინფორმაციის ჩამოტვირთვა ნებისმიერ ინტერნეტ-მომხმარებელს შეუძლია. თუმცა, საიდუმლო ფაილები დაცულია გასაღებით, რომლის „დარიგებას“ WikiLeaks ქსელში იმ შემთხვევაში აპირებს, თუ ორგანიზაციის რომელიმე საკვანძო ფიგურას ზიანი მიადგება.
დოკუმენტების ჩამოტვირთვის შემდეგ მომხმარებელი მაინც ვერ გახსნის მათ პაროლის გარეშე, რომელიც WikiLeaks-მა თავისი თანამშრომლების, პირველ რიგში კი ჯულიან ასანჟისა და ედვარდ სნოუდენის უსაფრთხოების გარანტიისთვის შეინახა.
ორგანიზაცია ცსს-ს ყოფილ აგენტს რუსეთში პოლიტიკური თავშესაფრის მიღებასთან დაკავშირებული მოლაპარაკებების წარმოებაში ეხმარებოდა. სნოუდენს აშშ-ის ხელისუფლება კონფიდენციალური ინფორმაციის გასაჯაროებასა და სახელმწიფო საიდუმლოებების მოპარვაში ადანაშაულებს. ცსს-ში თანამშრომლობისას მან „ვიკილიქსს“ გადასცა საიდუმლო დოკუმენტები, რომლებიც ადასტურებდა, რომ ამერიკის მთავრობა თავის მოქალაქეებს უთვალთვალებს.
