geflag
რელიგია
ილია მეორე: „ყველანი ვიდექით და ვტიროდით სააქტო დარბაზში, როცა სტალინს ასაფლავებდნენ...“

1-patrსაქართველო, 5 აგვისტო, საქინფორმი. „იგი ქართველი იყო და ამავე დროს რუსიც. წარმოშობით ქართველი იყო და მშვენივრად იცოდა ქართული ენა, ქართული სიმღერები, საეკლესიო გალობები. მისი გარდაცვალებისას მე სასულიერო სემინარიის სტუდენტი ვიყავი. ყველანი ვიდექით სააქტო დარბაზში და ვტიროდით, როცა მას ასაფლავებდნენ. სტალინი გამორჩეული პიროვნება იყო, ასეთები იშვიათად იბადებიან. მან იცოდა, ის ხვდებოდა რუსეთის მსოფლიო მნიშვნელობას ”, - ამის შესახებ სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმიდესმა და უნეტარესმა ილია მეორემ რუსულ გამოცემა Кавказская Политика-სთან ინტერვიუში განაცხადა.

„სტალინზე ბევრს გვიყვებოდა ჩვენი რექტორი, მამა კონსტანტინე რუჟიცკი, თვითონ კი ეს უწმიდესი პატრიარქი ალექსი პირველისგან მოისმინა. მოსკოვისა და სრულიად რუსეთის პატრიარქ ალექსი პირველს სტალინი ძალიან უყვარდა და აფასებდა. ერთხელ, როცა სტალინმა პატრიარქი სერგი, მიტროპოლიტი ნიკოლაი (იარუშევიჩი) და პროტოპრესვიტერი ნიკოლაი (კოლჩიცკი) მიიღო, ჰკითხა: „რა გჭირდებათ?“ მათ  მადლობა გადაუხადეს იმისთვის, რომ ტაძრების გახსნის უფლება მისცა, მან კი უპასუხა: „ეს საკმარისი არ არის, გახსენით სასულიერო სემინარიები და აკადემიები“,“ – ბრძანა ილია მეორემ.