სამართალი
ზაქარია ქუცნაშვილი: „კახა კუკავა უზრდელობს და გადაეცით, რომ ხელისუფლების წარმომადგენლებს უზრდელობის თმენის ვალდებულება არ გვაქვს!“
საქართველო, 19 ივლისი, საქინფორმი. კახა კუკავა უზრდელობს და გადაეცით, რომ კრიტიკის თმენის ვალდებულება გვაქვს ხელისუფლების წარმომადგენლებს, მაგრამ უზრდელობის თმენის ვალდებულება არ გვაქვს, - ასე გამოეხმაურა პარლამენტის ფრაქცია "ქართული ოცნების" თავმჯდომარე ზაქარია ქუცნაშვილი კახა კუკავას განცხადებას იმის თაობაზე, რომ დღეს არსებული ვითარებით პრეზიდენტის არჩევნების შედეგები არადემოკრატიული იქნება.
„ხელი მოეწერა მემორანდუმს და ჩვენ გუშინ ტელევიზიით გავიგეთ ამ შევარდნაძის დროიდან შემორჩენილი ქუცნაშვილისგან, რომ მათ, თურმე, რაღაც კულუარული წესით მიიღეს გადაწყვეტილება შეთანხმების ცალმხრივად ჩაშლის შესახებ. კიდევ ერთხელ ვამბობ, რომ ეს არის გაყალბებული არჩევნების ჩატარების მცდელობა, ისევე როგორც ათწლეულების მანძილზე ტარდებოდა და ეს ქვეყანას ახალი პოლიტიკური კრიზისისკენ უბიძგებს“, - განაცხადა კუკავამ.
საქინფორმის მკითხველს შევახსენებთ, რომ პოლიტიკური პარტიების დაფინანსების გაზრდის ინიციატივა, შესაძლოა, შეჩერდეს და ამ მიმართულებით კანონის მოქმედი წესი დარჩეს ძალაში. ამის შესახებ ინტერფრაქციული ჯგუფის ხელძღვანელმა ზაქარია ქუცნაშვილმა განაცხადა.მისივე განმარტებით, საარჩევნო კოდექსის შეცვლაზე მხარეთა მოლაპარაკების პროცესის შეჩერების მიზეზი 3 პარტიის განსხვავებული პოზიცია გახდა.
