უცხოეთი
აშშ-მა ეგვიპტეში ორი სამხედრო ხომალდი გაგზავნა
საქართველო, 12 ივლისი, საქინფორმი. ორი ამერიკული სამხედრო ხომალდი ეგვიპტის სანაპიროებისკენ გაემართა. ამის შესახებ საზღვაო ქვეითთა კორპუსის სარდალმა, გენერალმა ჯეიმს ამოსმა განაცხადა.
მისი მონაცემებით, წითელი ზღვის რაიონში სადესანტო ხომალდები „სან-ანტონიო“ და „კირსარჯი“ გაიგზავნა. გემ „კატერ ჰოლთან“ ერთად, რომელიც ჯერჯერობით ბაჰრეინის სანაპიროზე რჩება, ამა წლის მაისიდან ისინი საბრძოლო ვახტაზე დგანან წითელი ზღვისა და სპარსეთის ყურის რაიონში.
„ეგვიპტეში კრიზისია. როცა ასეთი რამეები ხდება, ჩვენ გარკვეული ნაბიჯები უნდა გადავდგათ სიტუაციის გასაკონტროლებლად“, - განაცხადა ამოსმა, რომელსაც არ დაუზუსტებია, თუ რა ვარიანტებს განიხილავს აშშ.
