საქართველო, 8 მაისი, საქინფორმი. ჟურნალისტი გიორგი ფარესაშვილი მის წინააღმდეგ გავრცელებული პირადი ცხოვრების ამსახველი კადრების ფაბრიკაციაზე ლაპარაკისას აღნიშნავს, რომ ვიდეოკადრებში თავი მისია, მაგრამ სხეული მას არ ეკუთვნის და ვინც პირადად იცნობს, ამას ადვილად მიხვდება. ფარესაშვილი არ გამორიცხავს, რომ კადრების დამზადება და ფაბრიკაცია წინა ხელისუფლების დროს მომხდარიყო, ხოლო ფარული ჩანაწერის გამოქვეყნებაში ჟურნალისტი პირადად შს მინისტრის მოადგილე გელა ხვედელიძეს ადანაშაულებს, რომელიც ლაფანყურის ოპერაციის მონაწილე ორ ადამიანს – გია ლორთქიფანიძეს და ზაზა როგავას ხელს აფარებს.

რაც შეეხება პრემიერ-მინისტრის მრჩეველ გია ხუხაშვილს და გენერალური პროკურორის მოადგილეს – ლაშა ნაცვლიშვილს, ფარესაშვილი მათ ბიზნესკლანების შექმნაში ადანაშაულებს. ჟურნალისტი აცხადებს, რომ აღნიშნულ პირებზე მის ხელთ არსებული კომპრომატების გასაჯაროებისგან ჯერჯერობით თავს მხოლოდ იმიტომ იკავებს, რომ დაიცვას იმ ბიზნესმენების უსაფრთხოება, რომლებმაც ეს მასალები მიაწოდეს.

„გია ხუხაშვილს და ლაშა ნაცვლიშვილს გარკვეულ ბიზნესკლანების შექმნაში ვამხელ. მე მაწვდიან ინფორმაციას ბიზნესმენები. ჩემთვის არა აქვს მნიშვნელობა, საქართველოში იქნება ადეიშვილ– კეზერაშვილის კლანი თუ ხუხაშვილ–ხვედელიძის“, – აცხადებს ფარესაშვილი.