უცხოეთი
დორონინი ნაომი კემპბელს დაშორდა
საქართველო, 2 მაისი, საქინფორმი. რუსი ბიზნესმენი ვლადისლავ დორონინი ფერადკანიან სუპერმოდელ ნაომი კემპბელს დაშორდა. დასავლური მედია ვარსკვლავური წყვილის დაშორებას ქერა ლამაზმანს უკავშირებს, რომელთან ერთადაც მილიონერი თითქოსდა ნიუ იორკში ნახეს.
დორონინი და კემპბელი 2008 წლიდან მოყოლებული ერთად არიან, მას შემდეგ, რაც ერთმანეთი კანის ფესტივალზე გაიცნეს. 2012 წელს წყვილი სპილოების პოლოსთან დაკავშირებული სკანდალური ისტორიის ფიგურანტად იქცა. პოლო დორონინის 50 წლის იუბილეს აღსანიშნავად ინდოეთში უნდა გამართულიყო.
ბოლოს წყვილი მაიამის პლაჟზე ნახეს, თუმცა უკვე თებერვალში რამდენიმე წვეულებაზე, რომლებიც „სოკარის“ პრემიას მიეძღვნა, დორონინი ნაომის გვერდით აღარ გამოჩენილა.
