სამართალი
როლანდ ახალაია: „სამართალი ურმით დადის...“
საქართველო, 1 მაისი, საქინფორმი. სამართალი ურმით დადის და თავის ადგილზე მივა. ამის შესახებ საპარლამენტო უმცირესობის წევრმა როლანდ ახალაიამ დღეს კინოს სახლში, თავდაცვის ექსმინისტრ ბაჩო ახალაიას მხარდამჭერთა შეკრების შემდეგ განაცხადა.
ამასთან, როლანდ ახალაიამ თავი შეიკავა დათა ახალაიასთან დაკავშირებულ საკითხებზე საუბრისგან და განაცხადა, რომ თავის დროზე ყველაფერი ნათელი გახდება.
ბაჩო ახალაიას მხარდამჭერთა შეკრებას მისი მეუღლე ანი ნადარეიშვილი, თეა თუთბერიძე, გაერთიანებული შტაბის ყოფილი უფროსი გიგი კალანდაძე და სხვა პირები ესწრებოდნენ.
შეხვედრის ორგანიზატორთა განცხადებით, თავდაცვის ყოფილი მინისტრის მხარდამჭერი შეკრებები ქვეყნის სხვა რეგიონებშიც გაიმართება.
