საქართველო, 29 აპრილი, საქინფორმი. ცესკო-ს თავმჯდომარის, ზურაბ ხარატიშვილის ინფორმაციით, შუალედურ არჩევნებში, რომელიც 27 აპრილს საქართველოს 3 ოლქში – ნაძალადევის, ბაღდათის და სამტრედიის რაიონებში გაიმართა, ამომრჩეველთა აქტივობამ საშუალოდ 32-33% შეადგინა. ნაძალადევში ამომრჩეველთა 28%-მა მიიღო მონაწილეობა, ბაღდათში – 36%, სამტრედიაში კი – 43%-მა.

წინასწარი მონაცემებით, სამივე ოლქში კოალიცია „ქართული ოცნების“ წარმომადგენლები ლიდერობენ. კოალიციის წევრები მილოცვებს  იღებენ როგორც თანაგუნდელებისგან, ისე კონკურენტებისგანაც.

ცესკოს მონაცემებით, ხმები შემდეგნაირად გადანაწილდა:

ნაძალადევის ოლქი: თამარ კორძაია („ქართული ოცნება“) - 39.48%, კახა კუკავა („თავისუფალი საქართველო“) - 17.26 %, მირზა დავითაია („ერთიანი ნაციონალური მოძრაობა“) -  15.11 %.

ბაღდათის ოლქი: პაატა კიკნაველიძე („ქართული ოცნება“) – 61.92 %, ვლადიმერ წიქორიძე („ერთიანი ნაციონალური მოძრაობა“) – 21.15 %, ზურაბ მსხვილიძე (საინიციატივო ჯგუფი) – 9.62 %.