სამართალი
„ნაციონალებს“ სცენაზე ცოცხი შეუგდეს!
საქართველო, 19 აპრილი, საქინფორმი. რუსთაველის გამზირზე, პარლამენტის შენობის წინ „ნაციონალური მოძრაობის" მიერ დაგეგმილი აქციისთვის დამონტაჟებულ სცენაზე ერთ-ერთმა მოქალაქემ ცოცხი შეაგდო, შეიკურთხა და ტერიტორია სწრაფი ნაბიჯით დატოვა. ამ ქმედებას სცენაზე მდგარი "ნაციონალური მოძრაობის" ერთ-ერთი თანამოაზრის გაღიზიანება მოჰყვა, მან ცოცხი აიღო და მოქალაქეს გაეკიდა, თუმცა ვერ დაეწია.
საქინფორმის მკითხველს შევახსენებთ, რომ დღეს, 19 აპრილს, „ნაციონალური მოძრაობის" ორგანიზებით, თბილისში, პარლამენტის შენობის წინ, 16:00 საათზე მასშტაბური საპროტესტო აქცია გაიმართება. აქციის ორგანიზატორთა განცხადებით, შეკრებილი საზოგადოების მთავარი მოთხოვნა ქვეყნის დასავლური საგარეო პოლიტიკური კურსის შენარჩუნება იქნება. 
