უცხოეთი
ბერეზოვსკის სიკვდილის გარემოებების შესახებ მონაცემები გამოქვეყნდა
საქართველო, 29 მარტი, საქინფორმი. პოლიციამ გამოაქვეყნა მონაცემები, რომლებმაც შესაძლოა, ნათელი მოჰფინოს რუსი ბიზნესმენის, ბორის ბერეზოვსკის, სიკვდილის გარემოებებს, რომლის ცხედარიც გასულ შაბათს დიდი ბრიტანეთში მისი სახლის სააბაზანოში აღმოაჩნეს.
ტემზ-ველის პოლიციის ოლქის მთავარი ინსპექტორის, მარკ უისტლის, განცხადებით, ბერეზოვსკის კისერზე მისი გვამის აღმოჩენის მომენტში რაღაც სადენისა თუ სახვევი ქსოვილისმაგვარი ეკეთა. ასეთივე მასალის ნაჭერი საშხაპეშიც აღმოაჩინეს. 
