აქტუალური
„Agile Spirit 2013“-ის სწავლება დასასრულს უახლოვდება
საქართველო, 28 მარტი, საქინფორმი. დღეს ქართულ-ამერიკული სწავლება „Agile Spirit 2013“-ის მიმდინარეობას საქართველოს შეიარაღებული ძალების გაერთიანებული შტაბის უფროსის მოადგილე, ბრიგადის გენერალი ვახტანგ კაპანაძე გაეცნო.
კაპანაძე სწავლებაში ჩართულ ქართველ და ამერიკელ სამხედრო მოსამსახურეებსაც გაესაუბრა და დადებითად შეაფასა წვრთნების მიმდინარეობა.
საქინფორმის მკითხველს შევახსენებთ, რომ ქართულ-ამერიკული სწავლება ,,Agile Spirit 2013” დასასრულს უახლოვდება. ორი ქვეყნის სამხედრო მოსამსახურეები ორი დღის განმავლობაში შემაჯამებელ საველე წვრთნაში მონაწილეობდნენ.
სწავლების დასკვნით ნაწილში საჩვენებელი წვრთნა იგეგმება, რის შემდეგაც ,,Agile Spirit 2013”-ის დახურვის ცერემონიალი გაიმართება.
