უცხოეთი
ევროკავშირთან სავიზო რეჟიმი უახლოეს ხანებში შემსუბუქდება
საქართველო, 12 მარტი, საქინფორმი. მოსკოვი უახლოეს ხანებში ევროკავშირთან სავიზო რეჟიმის შესახებ შეთანხმების დადებას იმედოვნებს, ხოლო სამსახურებრივი პასპორტის მქონეთათვის – მის გაუქმებას. ამის შესახებ რფ-ის საგარეო საქმეთა სამინისტროს განსაკუთრებულ დავალებათა საკითხების ელჩმა, ევროკავშირთან სავიზო საკითხში ძირითადმა მომლაპარაკებელმა ანვარ აზიმოვმა განაცხადა.
„მარტის ბოლოს ჩვენი კოლეგები რფ-ის საგარეო საქმეთა სამინისტროს საკონსულო დეპარტამენტიდან ბრიუსელში გაემგზავრებიან საბოლოო შეთანხმებისათვის, რათა უახლოეს მომავალში საშუალება მოგვეცეს, ამ დოკუმენტის ჯერ პარაფირება, შემდგომ კი რატიფიცირება მოავხდინოთ“, – აღნიშნა მან.
აზიმოვის თქმით, მოსკოვი კმაყოფილია იმით, რომ გერმანიის მაგალითს „ევროკავშირის პრაქტიკულად ყველა სახელმწიფომ მიმართა“. „ახლა მათ აქვთ ხმათა საჭირო რაოდენობა (სამსახურებრივი პასპორტებისათვის ვიზის გაუქმების საკითხის გადასაჭრელად)“, – დასძინა მან.
