საქართველო, 6 მარტი, საქინფორმი. საქართველოს პრემიერ ბიძინა ივანიშვილის ინფორმაციით, პრეზიდენტმა სააკაშვილმა დაცვის რამდენიმე წევრი „დედის გინებით გამოუშვა“. ამის შესახებ ივანიშვილმა ტელეკომპანია „იმედისთვის“ მიცემულ გუშინდელ ინტერვიუში განაცხადა.

„მე ბოლო ხმებით ვიცი ახალი დაცვის უფროსისგან, რომ რამდენიმე კაცი დედის გინებით გამოუშვა, ეს კი ნიშნავს, რომ მას 350 კაცის მობილიზებაც კი არ შეუძლია“, – აღნიშნა პრემიერმა. მისივე თქმით, ის დაცვის ბიჭებთან მეგობრობს და იცის, რომ „სააკაშვილის მანერების გამო დაცვას მასთან ურთიერთობა უჭირს“.

ივანიშვილის განცხადებით, დაცვასთან დაკავშირებით მას საუბარი ჰქონდა სააკაშვილთანაც, რომელსაც შესთავაზა, რომ დაუყოვნებლივ გასცემდა ბრძანებას, პრეზიდენტის უსაფრთხოება 350-ის ნაცვლად 960 კაცს უზრუნველეყო, მაგრამ ამის შესახებ ინფორმაციას მედიას მიაწოდებდა.