აქტუალური
შსს-ის ძვირადღირებული ავტომანქანები ელექტრონულ აუქციონზე გაიყიდება
საქართველო, 19 თებერვალი, საქინფორმი. საქართველოს შსს-ის ცნობით, ძვირადღირებული, ელიტური ავტომანქანები უწყების ბალანსიდან მოიხსნა და შემდგომი რეალიზაციის მიზნით ფინანსთა სამინისტროს მომსახურების სააგენტოს გადაეცა. ავტომანქანები ელექტრონული აუქციონის წესით გაიყიდება (www.eauction.ge), აუქციონის შედეგად შემოსული თანხები კი სახელმწიფო ბიუჯეტში გადაირიცხება.
ამ ეტაპზე გასხვისდება 50-მდე ძვირადღირებული ავტომანქანა, რომლებიც შინაგან საქმეთა ახალი მინისტრის დანიშვნამდე იყო შეძენილი: „Range Rover“- ის, „Range Rover Sport“- ის, „Range Rover Vogue“- ის, „Mercedes S class“, „ML“, „BMW X6, X5, M5“ და სხვა მარკის ავტომობილები.
აუქციონთან დაკავშირებით დამატებითი ინფორმაციის მიღება შესაძლებელია ფინანსთა სამინისტროს მომსახურების სააგენტოს ცხელ ხაზზე: 2 601 601
