საზოგადოება
პედაგოგებს ხელფასი 70 ლარით გაუზარდეს
საქართველო, 30 იანვარი, საქინფორმი. საქართველოს საჯარო სკოლების ყველა პედაგოგს ხელფასი 70 ლარით გაეზარდა. როგორც განათლებისა და მეცნიერების მინისტრის მოადგილე თამარ სანიკიძემ მთავრობის სხდომის დასრულების შემდეგ განაცხადა, შესაბამისი ცვლილება უკვე შეტანილია მთავრობის დადგენილებაში, რომელიც მოსწავლეთა ვაუჩერულ დაფინანსებას ეხება.
შესაბამისად, იანვრის ხელფასს საჯარო სკოლის პედაგოგები მომატების გათვალისწინებით აიღებენ.
მინისტრის მოადგილის ინფორმაციით, წელს პედაგოგებისთვის ხელფასის მომატება აღარ იგეგმება. “2013 წლის ბოლოს პედაგოგები ე.წ. მეცამეტე ხელფასს აიღებენ. საბაზისო ხელფასი 243 ლარი ამ ეტაპზე 70 ლარით მოიმატებს და მიმდინარე წელს ხელფასების გაზრდა აღარ იგეგმება“, – აღნიშნა თამარ სანიკიძემ.
