საზოგადოება
შეფიცულთა ხსოვნის საღამო – „მტერიც არ შამხვდა მტრისფერი...“
საქართველო, 21 იანვარი, საქინფორმი. 2013 წლის 25 იანვარს, 18 საათზე, საპატრიარქოს ახალგაზრდული ცენტრის დარბაზში (სამების ტაძარი, I სართული), გაიმართება სახალხო პოეტის მიხა ხელაშვილისა და, ზოგადად, ქაიხოსრო ჩოლოყაშვილის შეფიცულთა რაზმის წევრების ხსოვნის საღამო „მტერიც არ შამხვდა მტრისფერი“.
საღამოზე პირველად აჟღერდება ჩოლოყაშვილის რაზმის ჰიმნი „ვინა სთქვა საქართველოზე“, რომელიც მოიძია პოეტმა თინათინ მღვდლიაშვილმა. სიმღერას შეასრულებს ფოლკლორული ანსამბლი „საგალობელი“ (ლოტბარი მაია მიქაბერიძე). მონაწილეობენ: გიგი ხორნაული, ნანა კოტეტიშვილი, თინათინ მღვდლიაშვილი, ელდინო საღარაძე, სოფიკო ჯერვალიძე, ლევან ჟვანია და სხვ.; ფოლკლორული ანსამბლები: „ინანა“, „ერქვანი“ და სხვ.
საღამო იმართება თუშ-ფშავ-ხევსურეთის მიტროპოლიტის (იორამაშვილი) ლოცვა-კურთხევით.
როგორც საქინფორმის კორესპონდენტთან საუბარში საღამოს ორგანიზატორმა, პოეტმა თინათინ მღვდლიაშვილმა აღნიშნა, სასურველი იქნებოდა, თუ შეფიცულთა ხსოვნის საღამოზე ქართველი ვაჟკაცები ეროვნული სამოსით – ჩოხით მობრძანდებიან.
„ხმალი ავლესოთ, ქართველებო, ხმალი ავლესოთ!“
