ალჟირში ათობით მძევალი გაიქცა
საქართველო, 17 იანვარი, საქინფორმი. 30 ალჟირელმა ქვეყნის აღმოსავლეთით მდებარე გაზის საბადოების ზონიდან, სადაც ისლამისტ ბოევიკებს რამდენიმე ათეული უცხოელი მძევალი ჰყავდათ აყვანილი, გაქცევა შეძლო.
ამასთან, ადგილობრივი ტელეარხი „ენახარი“ იტყობინება, რომ გაქცევა 15 უცხოელმა მუშამ შეძლო.
BP-მ დაადასტურა, რომ „ალ-ქაიდასთან“ დაკავშირებულმა ბოევიკების ჯგუფმა მძევლად აიყვანა გაზის პროექტ „ინ ამენასის“ თანამშრომლები. თუმცა კომპანია, უსაფრთხოების მიზნით, მძევლების რაოდენობასა და მათ ნაციონალობაზე მონაცემებს არ ასაჯაროებს. ზემოხსენებულ პროექტში ბრიტანული ნავთობგიგანტი BP ალჟირულ Sonatrach-სა და ნორვეგიულ Statoil-თან ერთად მონაწილეობს.
