უცხოეთი
რუსეთის კომუნისტები პუტინს სთხოვენ, აშშ სოჭის ოლიმპიადაზე არ დაუშვას
საქართველო, 10 იანვარი, საქინფორმი. ორგანიზაცია „რუსეთის კომუნისტებმა“ პრეზიდენტ პუტინს მიმართეს მოთხოვნით, სოჭის ზამთრის ოლიმპიადაზე არ დაუშვას აშშ-ის ნაკრები. ორგანიზაციის წევრთა აზრით, ეს ნაბიჯი ადეკვატური პასუხი იქნება აშშ-ში მაგნისტსკის კანონის მიღებაზე. „მიგვაჩნია, რომ ამგვარ ნაბიჯს აშშ-ის მიმართ იმაზე დიდი პოლიტიკური ეფექტი ექნება, ვიდრე ანტიმაგნიტსკურ დიმა იაკოვლევის კანონს. ოლიმპიადა ფართო საერთაშორისო ღონისძიებაა და ამ ნაბიჯს შეუძლია მსოფლიო პოლიტიკური აუდიტორიის ყურადღების მიპყრობა“, – განაცხადა კომუნისტების ცენტრალური კომიტეტის ხელმძღვანელმა მაქსიმ სურაიკინმა.
შეგახსენებთ, რომ 14 დეკემბერს აშშ-ის პრეზიდენტმა ბარაკ ობამამ ხელი მოაწერა მაგნიტსკის კანონს, რომელიც აშშ-ში იმ რუსი მოქალაქეების ჩასვლას კრძლავას, რომლებსაც რაიმე კავშირი აქვთ ადამიანის უფლებათა დარღვევებთან. 
