რელიგია
თბილისში ალილო ტრადიციულად აღინიშნება
საქართველო, 7 იანვარი, საქინფორმი. საქართველოში ალილოს ტრადიცია V-VI საუკუნიდან იღებს სათავეს. მისი აღნიშვნა ბოლო რამდენიმე წელია, ისევ აღდგა.
ამის შემდეგ მსვლელობა ბარათაშვილის ქუჩაზე გაგრძელდება. აქ ერთი ჯგუფი პრეზიდენტის სასახლისკენ გადაინაცვლებს, სადაც ალილოს მონაწილეებს ტკბილეულს პრეზიდენტიც გადასცემს და მსვლელობაში მონაწილეებს შობას მიულოცავს.
მსვლელობის მონაწილეებთან ტრადიციული შეხვედრა რუსთაველზე მდებარე პარლამენტის შენობის წინ წელსაც გაიმართება. 14:30 საათისათვის პარლამენტთან მათ პარლამენტის ვიცე-სპიკერი მანანა კობახიძე და ბიუროს წევრი დეპუტატები უმასპინძლებენ.
წელს ალილოში მონაწილეობს მოსწავლე-ახალგაზრდობის სასახლეც. მსვლელობის მონაწილეები სასახლესთანაც შეჩერდებიან.
მოსახლეობა ალილოში მონაწილეებს გზადაგზა ტკბილეულსა და საჩუქრებს გადასცემს. ყოვლადწმინდა სამებაში მიტანილი შემოწირულობები 9 იანვარს ბავშვთა სახლებსა და უმწეოთა თავშესაფრებში გადანაწილდება. ამ მიზნით მერია ავტობუსებს გამოყოფს.
