ივანიშვილმა აშშ-ის ელჩს არჩევნებში ობამას გამარჯვება მიულოცა

თბილისი, 7 ნოემბერი,
საქინფორმი. საქართველოს პრემიერ-მინისტრმა ბიძინა ივანიშვილმა, რომელიც დღეს სასტუმრო „ქორთიარდ მარიოტში“, სადაც ამერიკელი დიპლომატები აშშ-ის საპრეზიდენტო არჩევნების დასრულებას აღნიშნავდნენ, ამერიკელი დიპლომატების მიღებაზე იმყოფებოდა, აშშ-ის ელჩ რიჩარდ ნორლანდს არჩევნებში ბარაკ ობამას გამარჯვება მიულოცა და იმედი გამოთქვა, რომ ამერიკა-საქართველოს ურთიერთობები შემდგომშიც გაღრმავდება.
„ვფიქრობ, ჩვენ მოვახერხებთ და გავაღრმავებთ ურთიერთობას ჩვენს ყველაზე დიდ მეგობართან – ამერიკის შეერთებულ შტატებთან. ვულოცავ ამ გამარჯვებას პრეზიდენტ ობამას და ამერიკელ ხალხს“, – განაცხადა საქართველოს პრემიერმა.