თბილისი, 23 ოქტომბერი, საქინფორმი. ქალაქ ზუგდიდში, მუნიციპალიტეტის შენობასთან, რუსული ენის მასწავლებლებმა პიკეტი მოაწყვეს. ისინი ახალი მთავრობისგან სკოლებში რუსული ენის სწავლების უწინდელი მოცულობით აღდგენას ითხოვენ. როგორც ცნობილია, ამჟამად რუსული ენა ისწავლება როგორც უცხოური და მას კვირაში სულ ორი საათი ეთმობა.

პედაგოგების თქმით, იმთავითვე თავად ქვეყნის პრეზიდენტი იყო ძალიან ნეგატიურად განწყობილი რუსეთისადმი, მაგრამ „თუნდაც რუსეთის წინააღმდეგი იყო, რა შუაშია რუსული ენა? როგორ შეიძლება კავკასიელ და, განსაკუთრებით, ქართველ ბავშვებს ეს ენა წაართვა?“ – გაკვირვებას გამოთქვამენ ისინი.

პრეზიდენტმა სააკაშვილმა ერთხელ განაცხადა, რომ რუსული პროგრესის ენა არ არის და ახალგაზრდა თაობისთვის ინგლისური ენის შესწავლა უფრო უპრიანია. სკოლის  კურსდამთავრებულთა 73 პროცენტიც უმაღლეს სასწვლებელში მოსახვედრად საგამოცდოდ ინგლისურს ირჩევს.

საქართველოს განათლების სამინისტროს განცხადებით, საქართველოს მოსახლეობის 90 პროცენტმა რუსული იცის. თუმცა, ალბათ, საუბარია 30 წლისა და ამ ასაკს გადაცილებულ ადამიანებზე, რაც გასაგებიცაა, რადგან ისინი საბჭოთა კვშირში დაიბადნენ.

განათლების მინისტრობის კანდიდატი გიორგი მარგველაშვილი დარწმუნებულია, რომ რუსული ენის სწავლების შეზრუდვით წინა ხელისუფლებამ ახალგაზრდობას არათუ ენის, არამედ რუსული კულტურის აღქმაც შეუზღუდა.