სამართალი
აჭარის უსკოს სხდომა
თბილისი, 17 სექტემბერი, საქინფორმი. აჭარის უმაღლესი საარჩევნო კომისიის (უსკო) მორიგ სხდომაზე დღის წესრიგით ორი საკითხი განიხილეს. 10 ხმით, ორის წინააღმდეგ, კომისიამ მიიღო დადგენილება საარჩევნო პროცესზე 74-კაციანი დამხმარე ჯგუფის შექმნასთან დაკავშირებით. უსკოს თავმჯდომარის განმარტებით, ჯგუფის მთავარი ფუნქცია საარჩევნო პროცესის ტექნიკური უზრუნველყოფა იქნება, თუმცა თავმჯდომარის პოზიციას არ იზიარებენ რიგი ოპოზიციური პარტიების წარმომადგენლები უმაღლეს საარჩევნო კომისიაში.
კონსერვატორ დიმიტრი დარჩიას თქმით, მისთვის გაუგებარია ტექნიკური ჯგუფის შექმნის მიზეზი: ეს ადამიანები რეალურად არა ტექპერსონალი, არამედ დამატებითი ძალა იქნება საარჩევნო პროცესის გასაყალბებლად.
მეორე საკითხი კი უსკოს წარმომადგენელთა შერჩევას ეხებოდა. დადგენილების თანახმად, საოლქო საარჩევნო კომისიებში უსკოს წარმომადგენელთა შესარჩევად საბუთები 18 და19 სექტემბერს მიიღება. მიღებულ საბუთებს სპეციალური კომისია განიხილავს.
