სამართალი
რუსეთში მცხოვრები საქართველოს მოქალაქეები არჩევნებში მონაწილეობას ვერ მიიღებენ
თბილისი, 13 სექტემბერი, საქინფორმი. ცენტრალური საარჩევნო კომისიის ცნობით, საარჩევნო უფლების მქონე ამომრჩეველთა რაოდენობა საზღვარგარეთ 42 613 შეადგენს, საიდანაც უმეტესობა საკონსულო აღრიცხვაზე მდგომი პირია, ხოლო 10 სექტემბრის მდგომარეობით, 1 409 ამომრჩეველმა გაიარა სპეციალური საარჩევნო რეგისტრაცია.
ცესკოს ცნობით, მან საგარეო საქმეთა სამინისტროსგან საკონსულო აღრიცხვაზე მყოფი ამომრჩევლების სულ 54 963-კაციანი სია მიიღო 11 სექტემბერს, თუმცა ამ რაოდენობას აკლდება ის ამომრჩევლები, რომლებიც იმყოფებიან რუსეთში და იმ ქვეყნებში, სადაც საკონსულო აღრიცხვაზე 20-ზე ნაკლები ამომრჩეველი იმყოფება; და, ასევე, ისინი, ვინც 2012 წლის ივნისის შემდეგ იმყოფება საქართველოში.
სულ საზღვარგარეთ 40 საარჩევნო უბანია გახსნილი 32 ქვეყნის 38 ქალაქში. მათ შორის არ არის რუსეთი, სადაც საქართველოს მოქალაქეები 1 ოქტომბრის არჩევნებში მონაწილეობას ვერ მიიღებენ – ხელისუფლებამ მისი ეს გადაწყვეტილება ტექნიკური პრობლემებით ახსნა.
