საზოგადოება
„ქართული ოცნება“ მაჟორიტართა სიებში ცვლილებებს არ გამორიცხავს
თბილისი, 8 აგვისტო, საქინფორმი. კოალიცია „ქართული ოცნების“ პრესსპიკერ მაია ფანჯიკიძის განცხადებით, ცვლილებები კოალიციის მაჟორიტარობის კანდიდატების სიაში არ გამოირიცხება, თუმცა ამჯერად ხაშურის მაჟორიტარობის კანდიდატ ვალერი გელაშვილის სხვა კანდიდატით ჩანაცვლება არ განიხილება.
ფანჯიკიძის თქმით, „ქართული ოცნების“ მიერ მაჟორიტართა დასახელების დაწყების დროს კოალიციის ლიდერმა ბიძინა ივანიშვილმა განაცხადა, რომ ეს სია საბოლოო არ არის და შესაძლებელია, შეიცვალოს. თუმცა, მისი განცხადებით, კანდიდატების შეცვლა არ ნიშნავს, რომ ვინმე გუნდს ტოვებს.
მიუხედავად ამისა, ფანჯიკიძე აცხადებს, რომ ბოლო დღეებში გავრცელებული ინფორმაცია „ქართული ოცნების“ მაჟორიტარების, მათ შორის, ვალერი გელაშვილის ცვლილებასთან დაკავშრებით, სიმართლეს არ შეესაბამება.
