საზოგადოება
ბაღდათის მაჟორიტარ კანდიდატად კვლავ „თეგეტა მოტორსისა“ და კურორტ საირმის მფლობელი დასახელდა
თბილისი, 7 აგვისტო, საქინფორმი. პარლამენტის თავმჯდომარე დავით ბაქრაძემ „ნაციონალური მოძრაობის“ მაჟორიტარი დეპუტატობის კანდიდატად ბაღდათში კვლავ თემურ კოხოძე დაასახელა.
„ეს არის კარგი მაგალითი იმისა, თუ რისი გაკეთება გვინდა სასოფლო სამეურნეო კუთხით – ესაა სამუშაო ადგილების შექმნა და სასოფლო-სამეურნეო პროდუქციის ჩაბარების ხელშეწყობა. ამაში მოსახლეობას ჩვენი კანდიდატიც დაეხმარება“, – აღნიშნა პარლამენტის სპიკერმა.
ცნობისათვის: თემურ კოხოძე ამ მოწვევის პარლამენტის წევრია. ის კომპანია „თეგეტა მოტორსისა“ და ყველა მისი შვილობილი ფირმის მფლობელი და დამფუძნებელია. ასევე, 2011 წელს მისი საკუთრება გახდა ბაღდათის მუნიციპალიტეტში მდებარე კურორტი საირმე.
