საზოგადოება
„ახალი მემარჯვენეები“ ამომრჩეველთა ხმებისთვის მთებშიც იბრძვიან
თბილისი, 2 აგვისტო, საქინფორმი. დავით გამყრელიძემ, „ახალი მემარჯვენეების“ თავმჯდომარემ, მაღალმთიან დაბა სტეფანწმინდაში ყაზბეგის რაიონის მაჟორიტარი დეპუტატობის კანდიდატი წარადგინა. პარტიის კანდიდატი ყაზბეგის საარჩევნო ოლქში ზვიად ქავთარაშვილი იქნება.
„ზვიადი წლების განმავლობაში ყაზბეგში საქმიანობდა და კარგად იცნობს რაიონს. დარწმუნებული ვარ, ის შეძლებს, საქართველოს პარლამენტში ყაზბეგელთა ინტერესები დაიცვას, რომელთაც, გარდა, ზოგადად, ქვეყანაში არსებული სირთულეებისა, დამატებით სხვა უამრავი პრობლემა აქვთ – მკაცრი კლიმატი, რუსეთის საზღვრის სიახლოვე და სხვა“, – განაცხადა დავით გამყრელიძემ.
დავით გამყრელიძესთან ერთად სტეფანწმინდაში წარდგენას პარტიის ერთ-ერთი ლიდერი ფიქრია ჩიხრაძეც ესწრებოდა. ისინი რაიონის რამდენიმე სოფლის მოსახლეობასაც შეხვდებიან.
