თბილისი, 27 ივლისი, საქინფორმი. სამცხე-ჯავახეთში სტიქიით დაზარალებული მოსახლეობის დახმარება დაიწყო. ამ ეტაპზე დაზარალებულებს საკვები პროდუქტები ურიგდებათ. სასურსათო პაკეტში 2 ტომარა ფქვილი, 3 ლიტრი ზეთი, და 10 კილოგრამი მაკარონი შედის.

რეგიონის მასშტაბით დახმარებას 5403  ოჯახი მიიღებს. მათ შორის, ახალციხის მუნიციპალიტეტში – 3356, ასპინძის მუნიციპალიტეტში – 496, ახალქალაქის მუნიციპალიტეტში – 776 და ნინოწმინდის მუნიციპალიტეტში – 738.

ასევე, დაწყებულია დაზარალებული მოსახლეობის მომარაგება სახლების გადასახური მასალით. ახალციხეში დაზიანებული სახლების რაოდენობა 1715-ია,  ხოლო ასპინძაში – 88.