თბილისი, 26 ივნისი, საქინფორმი. დღეს სტამბულში შავი ზღვის ეკონომიკური თანამშრომლობის ორგანიზაციის წევრი ქვეყნების მეთაურთა სამიტი გაიმართება.

როგორც ორშაბათის ტრადიციულ ბრიფინგზე საგარეო საქმეთა მინისტრის მაოდგილე დავით ჯალაღანიამ განაცხადა, ღონისძიება აღნიშნული ორგანიზაციის დაფუძნების 20 წლისთავს ეძღვნება. საქართველოს დელეგაციას პრეზიდენტი მიხეილ სააკაშვილი უხელმძღვანელებს.

სამიტი თურქეთისა და სერბეთის პრეზიდენტების თანათავმჯდომარეობით ჩატარდება.

ცნობისათვის: შავი ზღვის ეკონომიკური თანამშრომლობის ორგანიზაცია 1992 წლის 25 ივნისს შეიქმნა. მისი მიზანი შავი ზღვის რეგიონში სტაბილურობის, მშვიდობიანი თანაარსებობის, წარმატებული სავაჭრო-ეკონომიკური ურთიერთობისა და პოლიტიკურ-ეკონომიკური თანამშრომლობის მოდელის შექმნა იყო.