სამართალი
ივანიშვილი: „არცერთ ქართულ ორგანიზაციაში წილი აღარ მაქვს“
თბილისი, 25 ივნისი, საქინფორმი. „ბანკ „ქართუსა“ და არცერთ ქართულ ორგანიზაციაში წილი აღარ მაქვს“, – განაცხადა ჟურნალისტებთან „ქართული ოცნების“ ლიდერმა ბიძინა ივანიშვილმა, რომელმაც აღნიშნა, რომ დაკისრებული ჯარიმის გადახდას არ აპირებს, რადგან ჯარიმას კანონიერებასთან საერთო არაფერი აქვს.
„ქართუ ბანკში და არცერთ ქართულ ორგანიზაციაში წილი აღარ მაქვს. ბოლო წილი 2 მაისს გავასხვისე და გადავეცი ჩემს შვილს უტას. 2 მაისის მერე არცერთ ქართულ კომპანიაში მე წილი აღარ მაქვს. ჩემს სახელზე მაქვს საჩხერეში ნაწილი ჩემი ქონების, რაღაც წილი მაქვს ურეკსა და ბაკურიანში“, – აღნიშნა ჟურნალისტებთან საუბრისას ბიძინა ივანიშვილმა.
მისივე განცხადებით, იგი დაკისრებული ჯარიმის გადახდას არ აპირებს. „ჯარიმის გადახდას არ ვაპირებ, რადგან ამ ჯარიმას არანაირი საერთო არ აქვს კანონთან“, – განაცხადა დიპლომატიურ კორპუსთან შეხვედრის დასრულების შემდეგ ივანიშვილმა.
