სამართალი
ბიძინა ივანიშვილმა ჯარიმა არ გადაიხადა
თბილისი, 19 ივნისი, საქინფორმი. ბიძინა ივანიშვილს დაკისრებული ჯარიმების გადახდის ვადა გუშინ ამოეწურა. კანონის მიხედვით, თანხის გადაუხდელობის შემთხვევაში კონტროლის პალატამ აღსრულების ფურცლით სასამართლოს უნდა მიმართოს, რის შემდეგაც საქმეში აღსრულების ეროვნული ბიურო ჩაერთვება.
იმის გათვალისწინებით, რომ კოალიციის ლიდერი კონტროლის პალატის მიერ დაკისრებული ჯარიმის გადახდას არ აპირებს, აღსრულების ბიურო გადაწყვეტს, იძულების რა გზით უნდა ამოიღოს აღნიშნული თანხა.
შეგახსენებთ: კონტროლის პალატამ ივანიშვილი სამართალდამრღვევ სუბიექტად ცნო და საერთო ჯამში 148 650 131 ლარით დააჯარიმა.
ივანიშვილის ადვოკატებმა ეს გადაწყვეტილება სააპელაციო სასამართლოში გაასაჩივრეს, მოსამართლის გადაწყვეტილებით კი დაკისრებული ჯარიმა შემცირდა და 74 325 065 ლარი შეადგინა.
