პოლიტიკა
პარლამენტში რიგგარეშე სხდომა ტარდება

1-parlam-politika-2თბილისი, 12 ივნისი, საქინფორმი. დღეს პარლამენტის რიგგარეშე სხდომა ტარდება. კანონპროექტებთან ერთად განსახილველად პრეზიდენტის საკონსტიტუციო ინიციატივაც გადის, რომლის თანახმად, კონსტიტუციას ახალი პუნქტი ემატება და მასში იწერება, რომ ქალაქ ლაზიკას სტატუსი და უფლებამოსილებანი ორგანული კანონით განისაზღვრება.

ამასთან, როგორც პარლამენტის თავმჯდომარე დავით ბაქრაძემ ბიუროს სხდომაზე აღნიშნა, საგაზაფხულო სესიის ამოწურვამდე დარჩენილ დროში კიდევ სამი სხდომა გაიმართება. აქედან ერთი რიგგარეშე იქნება, რომელიც საგაზაფხულო სესიას დახურავს.

რეგლამენტის თანახმად, საგაზაფხულო სესია ივნისის ბოლო პარასკევს იხურება.