აქტუალური
ვანო ჩხარტიშვილი ტელეკომპანია „მზის“ დაბრუნებას აპირებს
თბილისი, 23 მაისი, საქინფორმი. ვანო ჩხარტიშვილი ტელეკომპანია „მზის“ დასაბრუნებლად ბრძოლას იწყებს. ვანო ჩხარტიშვილის განცხადებასა და გეგმებს ჟურნალისტებს დღეს სასტუმრო „თბილისი მარიოტში“ გამართულ ბრიფინგზე ჩხარტიშვილის პრესმდივანი გიორგი გიორგაძე გააცნობს.
გიორგაძემ ჟურნალისტებთან საუბრისას ჩხარტიშვილის ბრძოლის სამართლებრივი მექანიზმებისა და ტელეკომპანია „მზესთან“ დაკავშირებით შექმნილ ვითარებაზე საუბრისგან წინასწარ თავი შეიკავა და განაცხადა, რომ ყველა დეტალი დღეს გახდება ცნობილი.
როგორც საქინფორმისათვის გიორგაძის შეტყობინებაშია ნათქვამი, ემიგრაციაში მყოფმა ბიზნესმენმა „ლონდონში საერთაშორისო სამაუწყებლო კომპანია „მზერა“ დააფუძნა და დაიწყო სამართლებრივი პროცედურები ქართული ტელეკომპანია „მზის“ დასაბრუნებლად“.
