აქტუალური
მდუმარე აქცია თბილისის საქალაქო სასამართლოსთან
თბილისი, 21 მაისი, საქინფორმი. დღეს თბილისის საქალაქო სასამართლოსთან მდუმარე აქცია მიმდინარეობს. საზოგადოებრივი მოძრაობის – „სოლიდარობა უკანონო პატიმრებს“ – ინიციატივით 2009 წელს 21 მაისი უკანონო და პოლიტიკური პატიმრების სოლიდარობის დღედ გამოცხადდა.
როგორც აქციის ორგანიზატორებმა ჟურნალისტებს აცნობეს, წელს მესამედ აღინიშნება პატიმართა სოლიდარობის დღე საქალაქო სასამართლოსთან, სადაც ყველაზე მეტად უნდა იგრძნობოდეს სამართლიანობა და კანონის პატივისცემა.
აქციაში მონაწილეობენ როგორც უფლებადამცველები და სხვა არასამთავრობო ორგანიზაციები, ისე პატიმართა ოჯახის წევრები.
