თბილისი, 17 მაისი, საქინფორმი. 2012 წლის იანვარ-აპრილის წინასწარი მონაცემებით, საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 3 124 მილიონი აშშ დოლარი შეადგინა. საქართველოს სტატისტიკის ეროვნული სამსახურის ინფორმაციით, ეს წინა წლის ანალოგიურ მაჩვენებელს 18 პროცენტით აღემატება.

ხსენებული თანხიდან ექსპორტი 726 მილიონი აშშ დოლარი იყო (ანუ გასულ წლის მონაცემზე 11 პროცენტით მეტი), ხოლო იმპორტი – 2 397 მილიონი აშშ დოლარი (ანუ 20 პროცენტით მეტი). უარყოფითმა სავაჭრო ბალანსმა 2012 წლის იანვარ-აპრილში 1 671 მილიონი აშშ დოლარი და საგარეო სავაჭრო ბრუნვის 53 პროცენტი შეადგინა.